काठमाडौं । सरकारले सार्वजनिक सवारी साधनको भाडादरमा नयाँ समायोजन गरेको छ। सूचकहरूको विश्लेषण र इन्धनको मूल्यमा आएको उतारचढावलाई मुख्य आधार बनाएर यातायात व्यवस्था विभागले भाडा वृद्धि गर्ने निर्णय गरेको हो। नयाँ निर्णय अनुसार अब यात्रुवाहक सवारी साधनको भाडा १६.७१ प्रतिशतले बढाइएको छ।
यात्रुवाहक सवारी मात्र नभई मालवाहक सवारी साधनको भाडामा पनि ठुलो हेरफेर गरिएको छ। पहाडी बाटोमा सञ्चालन हुने मालवाहक सवारी साधनको भाडामा २१.६८ प्रतिशतले वृद्धि गरिएको छ भने तराईको बाटोमा सञ्चालन हुने मालवाहक सवारीको भाडा १५.७५ प्रतिशतले बढाइएको छ। इन्धनको मूल्यमा निरन्तर भइरहेको परिवर्तन र अन्य प्राविधिक पक्षको मूल्यांकन गरेर नै यो समायोजन गरिएको अधिकारीहरूले बताएका छन्। यो वृद्धिले ढुवानी र यात्रा दुवै क्षेत्रमा प्रत्यक्ष प्रभाव पार्ने देखिएको छ।
Facebook Comments